匯豐「黑池」勢在必行

匯豐將於第三季推出StockMax，形式與外國流行多年既「黑池」相似。匯豐表示客戶透過StockMax對盤，或可以獲得比市價更佳的價格交易。現時仲係測試階段，首先比內部員工試用，之後會擴展至機構投資者，最後就係散戶。如果匯豐客戶無提出反對，便會自動使用StockMax內部對盤。

會唔會變成大鱷既午餐仲係言之尚早，肯定既係匯豐客戶於交易市場佔有率都較高，如果匯豐客戶係StockMax「自己搞掂」，之後先向港交所提交資料，始終時間上一定會延遲，而非匯豐客戶係不能參與既情況下，亦只能夠眼白白比個市牽住鼻子走。雖然其他銀行並未表示會跟隨，但係長遠黎講「黑池」應該都係勢在必行，相信一定對客源唔夠銀行大既證券行有深遠影響。